Svei!

Árni Sigfússon þráir ekkert heitar en að Norðurál reisi verksmiðju í Helguvík. Helstu rök hans eru einmitt að launin séu svo góð.  Ég vísa beint í skrif Árna:"Laun í álveri munu hækka meðallaun á Suðurnesjum verulega."

Hversu lág telur Árni meðallaun Suðurnesja vera? 

Smellið hér til að lesa hugleiðingar Landstjórans.

Vilja af skammarlega lágum launum

Bæjó

Í Grindavík er Sjálfstæðismaður á fullum launum sem bæjarstjóri. Látum hann vinna fyrir kaupinu. Setjum sem skilyrði að hann selji ekkert. Hann hlýtur að gata haldið í sér í 6 mánuði.

Meirihlutinn sprunginn í Grindavík

Samt sækir engin um vinnuna mína.

Ég er svo heppinn að hafa þægilega innivinnu í Reykjanesbæ. Ég hef nú sagt upp störfum því ég varð  ennþá heppnari og var boðið að taka að mér aðra og þægilegri innivinnu. Þangað vil ég fara sem fyrst  en einhvern verður að ráða í minn stað. Gallinn er sá að það sækir engin um. Launin eru um 300.000 krónur á mánuði fyrir fulla vinnu og næg yfirvinna fyrir þá sem nenna.

 

1729 atvinnulaus á Suðurnesjum

Sviksemi

Alveg er það magnað að sjá verkalýðsfélög hlaupa undir bagga álþjóðlegra stórfyrirtækja. Hið sama er uppi á teningnum á suðurnesjum og maður veltir fyrir sér hverslags hagsmunir liggi þar að baki. Stóriðjustörf eru hættuleg og illalaunuð og ég skil ekki hvernig verkalýðfélag getur selt sálu sína fyrir skitin meðallaun upp á 300.000 kall á mánuði þegar áhættuþátturinn og minnkaðar lífslíkur starfsmanna eru reiknaðar inn í jöfnuna. Það er lítil reisn í því fólgin að jarma í meðvirknikór með alþjóðlegu risafyrirtæki sem kvartar undan skattheimtu og löngu kominn tími til að þrýst verði á þessi fyrirtæki að borga til samfélagsins. Ef þau þola það ekki, þá farið hefur fé betra. Með því að selja þessa orku gegnum sæstreng, t.d til Bretlands, gætum við margfaldað hagnað umfram klinkið sem álfyrirtækin eru að borga og þá erum við að tala um alvöru tekjur.

 Ekki gleyma því að álfyrirtækin reikna öll sín laun í erlendri mynnt en greiða út í íslenskum krónum og því hefur hagnaður þeirra margfaldast á við útgjaldaliði. Þeim er engin vorkunn og skömm að því hvernig áróður og hótanir hafa markað stóriðjuumræðuna í gegnum tíðina. 

Boða fund um stóriðjuskatta

ICESAVE

Nú hef ég það eftir nokkuð traustum heimildum að afhending bóluefnis sé í höndum Alþjóðagjaldeyrissjóðsins og það fáist ekki afhent fyrr en Íslendingar gangi frá ICESAVE-málinu.

Tafir á bólusetningu

Bla

pff

Íþrótta"manneskja"

Má hún keppa í karlaflokki?

Semenya sögð vera tvíkynja

var veikur í 10 daga

Já ég fékk einhverja skítapest, hiti og læti í 10 dag. Frá 24.júní til 4.júlí. Tíu ömurlegir dagar, 25.júní var fyrsti dagur í sumarfríi. Ég leitaði til þriggja lækna sem allir töldu öruggt að ég væri ekki með svínapest og tóku því ekki sýni til ræktunar. Jafnvel þó svo ég hefði nokkrum dögum fyrr leyft þremur Kanadamönnum að gista hjá mér sem voru nýkomnir til landsins. Þau voru öll nýbúin að vera veik eða að sýna fyrstu einkenni pestar. Ég var á leið til Þýskalands, og fór á endanum þangað fárveikur. En ekki töldu læknarnir ástæðu að aðhafast að öðru leiti en að skrifa upp á pensilín, sem ég ætti að gleypa ef hóstinn yrði virkilega ljótur í útlandinu. Mér þykir aðferðir Keflavísku læknanna vera í dálítilli mótsögn við fyrirmæli Faralds sóttvarnalæknis.

 

Níunda svínaflensutilfellið

Skríll

*djók*

Buðu mótmælendum til viðræðna

Undarleg staða.

Merkilegt að fylgjast með andstæðingum Samfylkingarinnar í fjölmiðlum þessa dagana. Hvort sem það er með bloggi eða á öðrum vettvangi. Hörðustu sjálfstæðismenn halda vart vatni yfir glæstum sigri VG í kosningunum, sem ég sem vinstri og grænn á erfitt með að vera sammála. Ég ætlaði okkur að verða stærri en Sjálfstæðisflokkurinn en það er önnur saga og tilefni í aðra færslu. Sjálfstæðismenn eru auðvitað meira á móti Sf en þeir eru á móti ESB og það er þess vegna sem þeir nota fylgisaukningu okkar sér í hag. Sjálfstæðisflokkurinn ætlar sér ekki að ganga inn í ESB á meðan flokkurinn er í stjórnarandstöðu og þar liggur hundurinn grafin í kúnni með ölinu hans Davíðs.    

Sf er þar fyrir utan stórundarlegur flokkur sem vildi ekki ganga bundinn til kosninga. Ég vann mikið fyrir VG í kosningabaráttunni og ég reyndi ítrekað að fá Unga Jafnaðarmenn til samstarfs þegar kom að uppákomum fyrir ungt fólk. Ég bý í Reykjanesbæ og þar sem X-D fékk 57,7% í síðustu sveitarstjórnarkosningum taldi ég reynandi að brjóta ísinn með sameiginlegu átaki félagshyggjunnar á svæðinu. UJ höfnuðu þó ávalt samvinnu og ítrekuðu að flokkurinn væri með öllu óbundinn. S-O-B-stjórn er möguleiki en ég á erfitt með að sjá Borgarahreyfinguna starfa með Framsókn, en pólitík er pólitík og hugsjónir eiga það til að fljúga út um gluggann við minnsta dragsúg. Helsta vandamál Sf er að mínu mati að flokkurinn sækir of stíft í kosningabaráttum, ræðst hart gegn andstæðingum sínum til hægri og vinstri. Afleiðingarnar eru þá þær að flokkurinn situr eftir kosningar með þungan poka á herðunum, fullan af loforðum. Þessi vítahringur kemur flokknum sífellt í vandræði og á endanum missir hann trúverðugleika. Fyrir kosningarnar 2007 mældist flokkurinn illa á kostnað VG. Með því að eyða skriljónum í auglýsingar og með því að ráðast grimmilega á Sjálfstæðisflokkinn og VG náði Ingibjörg að draga inn atkvæðin frá okkur. Flokkurinn sótti snilldarlega baráttu sem vinstriflokkur og ég held ég geti fullyrt að atkvæðin sem féllu með Sf voru ekki áskorun kjósenda til flokksins að mynda ríkisstjórn með Geiri Haarde. Síðan þá hefur lítið sem ekkert borið á félagshyggju frá flokknum, nema náttúrulega frá Jóhönnu sem heldur apparatinu saman þessa dagana.

Sígandi lukka er best og við í VG myndum græða á því til framtíðar að taka ekki þátt í komandi ríkisstjórn. Hún verður óvinsæl. Hinsvegar yrði það slæmt fyrir Ísland og þar sem okkar stefna er að láta gott af okkur leiða þá megum við ekki taka hagsmuni flokksins framfyrir hagsmuni þjóðarinnar. Ef Samfylkingin mundar rýtinginn þá verður það hennar banamein að lokum. Þó flokkurinn hafi ekki gengið bundinn til kosninga var málaflutningur frambjóðenda þannig. Samfylkingin ber nú barmafullan loforðapokann enn og aftur fyrir þjóðina og í þetta skiptið hefur hún málað sig út í horn. Ég óttast ekki aðildarumsókn, samningurinn verður vondur og honum hafnar þjóðin þegar þar að kemur. Ég á bara erfitt með að skilja afhverju harkan er svona mikil. Liggur eitthvað annað að baki sem við vitum ekki og eigum ekki að vita? Hverjum var lofað að ganga í ESB? 

Áður en staksteinar Morgunblaðsins fara að stinga upp á ríkisstjórnarsamstarfi V-D-B (ef það hefur ekki verið gert nú þegar) vil ég benda á að VG eru á móti ESB því flokkurinn vill ekki að erlendir auðhringir nái yfirráðum yfir okkar náttúrulegu auðlindum. Sjálfstæðisflokkurinn er á móti ESB því flokkurinn vill að sinn auðhringur nái yfirráðum yfir auðlindum. Framsókn ætlar sér aftur á móti að ná yfirráðum yfir auðlindum ESB. Af tvennu illu verð ég þó að velja íslenskan auðhring. Það er allavega hægt að henda snjóbolta í hann. Þessir flokkar gætu aldrei unnið saman.

 

Skylt að sækja um ESB-aðild